जळगाव, दि. 21- इंदापूर तालुक्यात झालेल्या वीज वितरण विभागाच्या कार्यक्रमात भारतीय संविधानाचा जाणीवपूर्वक अपमान केला असल्याचा आरोप करत, संबंधितांवर कारवाई करण्याच्या मागणीसाठी भारतीय जनता पार्टी अनुसूचित जाति मोर्चाच्या वतीने जळगावात मंगळवारी जिल्हाधिकारी यांना निवेदन देण्यात आले.
दरम्यान त्या ठिकाणी झालेल्या कार्यक्रमात उपस्थित मंत्र्यांवर आणि खासदारांवर देशद्रोहाचा गुन्हा दाखल करण्यात यावा, अशी मागणी करण्यात आली.
संविधानाचा अपमान करणाऱ्यांवर महाराष्ट्र सरकारने लवकरात लवकर कारवाई केली नाही, तर भाजपतर्फे तीव्र स्वरूपाचे आंदोलन करण्यात येईल, असा इशारा भाजपा अनुसूचित जाती मोर्चाचे ग्रामीण जिल्हाध्यक्ष विकास अवसरमल यांनी दिला. यावेळी महानगराध्यक्ष दीपक सूर्यवंशी, लता बाविस्कर, माजी महापौर सीमा भोळे, भगत बालाणी आदींसह भाजपचे पदाधिकारी, कार्यकर्ते उपस्थित होते.
पहा.. व्हिडिओ
