जळगाव, दि.२७ – राष्ट्रवादी काँग्रेस पार्टी (अजित पवार गट) यांचा जळगाव व रावेर लोकसभा तथा विधानसभा मतदार संघातील सर्व पदाधिकारी यांचा “विचार विनिमय तथा मार्गदर्शन मेळाव्या”चे आयोजन शनिवारी करण्यात आले आहे. मिळाव्यात लोकसभा निवडणुकीबाबत कार्यकर्ते व पदाधिकाऱ्यांना मार्गदर्शन केले जाणार आहे.
लोकसभा निवडणुकीच्या पार्श्वभूमीवर राष्ट्रवादी काँग्रेस पार्टी (अजित पवार गट) सक्रिय झाला आहे. लोकसभा निवडणुकीतील महायुतीच्या उमेदवाराबाबत प्रचार व राजकीय रणनीती बाबत मार्गदर्शन व विचारविनिमय हे या मेळाव्यात केले जाणार आहे. मेळाव्यात प्रमुख मार्गदर्शक म्हणून मदत व पुनर्वसन मंत्री अनिल भाईदास पाटील उपस्थित असतील. कार्यक्रम शनिवार दि.३० मार्च सकाळी ११:०० वाजता, जळगावातील लाड वंजारी मंगल कार्यालय, आकाशवाणी चौक येथे होणार आहे.
तरी जळगाव लोकसभा व रावेर लोकसभा मतदारसंघातील सर्व जिल्हा पदाधिकारी, तालुका अध्यक्ष, युवक पदाधिकारी, महिला पदाधिकारी, युवती पदाधिकारी, प्रदेश पदाधिकारी, जिल्ह्यातील सर्व फ्रंटल सेलचे अध्यक्ष व जिल्ह्यातील विधानसभा मतदार संघाचे सर्व पदाधिकारी व कार्यकर्त्यांनी उपस्थित राहावे असे आवाहन जळगाव लोकसभा जिल्हाध्यक्ष संजय पवार, रावेर लोकसभा जिल्हाध्यक्ष उमेश नेमाडे, अभिषेक पाटील यांनी केले आहे.
