हेमंत पाटील | जळगाव, दि. 11 – शहराच्या महापौर जयश्री महाजन यांनी आज चक्क रस्त्यावर उतरून झाडू काढत साफसफाई केली. निमित्त होते रींगरोड परिसरात गणपतीच्या मूर्ती, फुल हार, सजावटीचे साहित्य विक्रेत्यांनी टाकून दिलेला कचरा साफ करणे. या उपक्रमासाठी त्यांना पालिका कर्मचाऱ्यांसह युवाशक्ती फौंडेशनच्या पदाधिकाऱ्यांचे सहकार्य लाभले.
आकाशवाणी चौक ते बहिणाबाई उद्यान पर्यंतच्या परिसराची महापौर महाजन यांनी आज साफसफाई केली. मात्र शहरातील अनेक भागात घाणीचे साम्राज्य पाहायला मिळत असून कचरा कुंड्या ओसंडून वाहत आहे. याकडे मात्र पालिकेच्या आरोग्य व स्वच्छता विभाग दुर्लक्ष करीत आहे.
दरम्यान प्रातिनिधिक स्वरूपात आम्ही काही ठिकाणचे व्हिडिओ घेतले आहेत. यात महाबळ परिसरातील उतारावर असलेली कचराकुंडी.. त्यानंतर आकाशवाणी कडून सिंधी कॉलनी कडे जाणाऱ्या रस्त्यावर संवेदना हॉस्पिटल जवळ कचर्याचा ढिगारा..
तर सिंधी कॉलनी चौका जवळच रस्त्यावर पसरलेला कचरा आपणास या व्हिडिओच्या माध्यमातून दाखवण्याचा आमचा हा प्रयत्न आहे. अशाप्रकारे शहरात अनेक ठिकाणच्या कचराकुंड्या ओसंडून वाहत आहेत. त्यामुळे परिसरात घाणीचे साम्राज्य असून दुर्गंधी पसरत आहे.
रोगराई आणि साथीचे आजाराच्या पार्श्वभूमीवर महापौर व पालिका प्रशासनाने संपूर्ण शहरातील स्वच्छतेसंदर्भात गांभीर्याने लक्ष द्यावे.. हीच या बातमीच्या माध्यमातून अपेक्षा..
म्हणजे जळगाव महापालिकेचं ब्रीदवाक्य ‘जळगाव शहर, स्वच्छ शहर, सुंदर शहर’.. म्हणायला वावगे ठरणार नाही.
पहा.. व्हिडिओ
