जळगाव, दि. ०८ – “श्रीराम जन्मभूमी” राम मंदिर अयोध्या येथे २२ जानेवारी रोजी श्रीराम यांची प्राणप्रतिष्ठा सोहळा संपन्न होणार आहे. यासाठी संपूर्ण देशात अयोध्या येथून आलेल्या कलशाचे पूजन व अक्षदा वाटप कार्यक्रमाचे आयोजन करण्यात येत आहे. दरम्यान सोमवारी शहरातील रिंग रोड परिसरात कलश पूजन व अक्षदा वाटप करण्यात आले.
या प्रसंगी आमदार सुरेश भोळे (राजुमामा), डॉ राधेश्याम चौधरी, महिला मोर्चाच्या रेखा वर्मा, दीप्ती चिरमाडे, सरोज पाठक, नीतू परदेशी, मंडलअध्यक्ष पिंटू काळे, महानगर सचिव केदार देशपांडे, अजित राणे, माजी नगरसेविका गायत्री राणे, सुरेखा तायडे यांच्यासह भारतीय जनता पार्टी जळगाव जिल्हा महानगरचे पदाधिकारी नगरसेवक व परिसरातील महिला मोठ्या संख्येने उपस्थित होत्या.
