जळगाव, दि.०८ – मेहरूणमधील श्री संत ज्ञानेश्वर महाराज संजीवन समाधी सोहळ्या प्रीत्यर्थ संत ज्ञानेश्वर महाराज चौकात सोमवारपासून अखंड हरिनाम सप्ताहास सुरुवात झाली आहे. माजी नगरसेवक प्रशांत नाईक, अर्चना नाईक यांनी या सोहळ्याचे आयोजन केले आहे. दरम्यान शुक्रवारी रात्री संजय महाराज टाकळी यांचे कीर्तन झाले.
विनोदामधून समाज प्रबोधन व आई-वडिलांना सेवा व व्यसनमुक्ती पासून दूर एकत्र परिवार व धर्मकार्य अशा विविध समाज उपयोगी कीर्तनामधून समाज प्रबोधन त्यांनी केले. ११ डिसेंबरला सकाळी ९ वाजता पालकमंत्री गुलाबराव पाटील यांच्यासह विविध पदाधिकाऱ्यांच्या उपस्थितीत भागवत कथेचे पूजन होईल. या दिवशी सकाळी ११ वाजता महाप्रसाद, दुपारी ३ वाजता दिंडी, सायंकाळी ६ वाजता भारुडाचा कार्यक्रम, काल्याचे कीर्तन होणार आहे.
