जळगाव, दि.०४ – मेहरूण येथील संत ज्ञानेश्वर प्राथमिक व माध्यमिक विद्यालयात होळी सणानिमित्त नैसर्गिक रंग बनविण्याची कार्यशाळा शनिवारी घेण्यात आली. यावेळी विद्यार्थ्यांनी विविध फुले, पानांपासून रंग बनविले. पर्यावरणपूरक होळी खेळण्याबाबत विद्यार्थ्यांना शिक्षकांनी मार्गदर्शन केले. कोणत्याही प्रकारचे रासायनिक रंग न वापरता फुला-पानांपासून रंग कसे तयार करायचे,याचे प्रशिक्षण शिक्षकांकडून घेतले.
नैसर्गिक रंगांपासून डोळ्यांचे, केसांचे व त्वचेचे आजार होणार नाहीत. पाण्याची बचत तर होईलच पण आरोग्याच्या दृष्टीनेही योग्य राहील. होळीचा दरवर्षीप्रमाणे आनंद घेता येईल व आपल्याला पर्यावरणचा समतोल राखता येईल, असे उपक्रम प्रमुख संस्थेचे सचिव तथा उपशिक्षक मुकेश नाईक यांनी सांगितले. यावेळी विद्यालयातील मुख्याध्यापिका शिक्षक, शिक्षकेतर कर्मचारी उपस्थित होते.
