जळगाव, दि.१३ – ‘जगद्गुरु महर्षी वेदव्यास’ यांच्या जयंतीनिमित्त ए.टी.झांबरे माध्यमिक विद्यालयात दरवर्षी प्रमाणे यावर्षी देखिल आषाढ शुक्ल पौर्णीमेला कथाकथन, गुरुवंदना व्दारे कृतज्ञता दिवस उत्साहात साजरा करण्यात आला.
कार्यक्रमाचे प्रमुख व्याख्याते के.सी.ई सोसायटी चे प्रशासकीय अधिकारी शशिकांत वडोदकर यांनी मानव जीवनात गुरुची महती या विषयी व्याख्यानातून गुरु चे महत्व प्रतिपादन करुन विद्यार्थ्यांना आदर्श गुरुभक्ती चा मंत्र दिला. दरम्यान विद्यालयाच्या मुख्याध्यापिका प्रणिता झांबरे यांनी मुलांना गुरुभक्तीचा वसा घ्यावा. असा उपदेश केला.
सदर कार्यक्रमात एकूण १० विद्यार्थ्यांनी गुरुशिष्य परंपरेतील गुरुभक्ती व श्रध्दा यावर आधारित कथाकथन करुन गुरुजनांप्रती कृतज्ञता व आदरभाव व्यक्त केला. कार्यक्रमाचे सूत्रसंचालन उपशिक्षिक वेदप्रकाश आर्य यांनी केले. शेवटी उपशिक्षिका पी.आर. कोल्हे यांनी आभार प्रदर्शन करुन कार्यक्रमाची सांगता झाली.
कार्यक्रमाच्या यशस्वीतेसाठी शाळेचे पर्यवेक्षक एन बी पालवे, कलाशिक्षक सतीश भोळे, व्ही. बी. मोरे व सर्व शिक्षक-शिक्षकेतर कर्मचारी यांचे सहकार्य लाभले. तसेच प्रत्येक वर्गात वर्गशिक्षकांचे विद्यार्थ्यांकडून प्रातिनिधिक स्वरूपात पूजन करण्यात आले. कार्यक्रमाचे आयोजन दामोदर चौधरी व सृष्टी कुलकर्णी इयत्ता आठवी च्या विद्यार्थ्यांनी केले.
