गजानन पाटील | अमळनेर, दि. ११ – तालुक्यातील २०१९ मधील अतिवृष्टी बाधित ३८, गावातील शेतकऱ्यांना अजूनही नुकसान भरपाई न मिळाल्याने शुक्रवारी शिरपूर अमळनेर महामार्गावर एकलहरे येथे शेतकऱ्यांच्या वतीने रास्ता रोको आंदोलन करण्यात आले. यावेळी शेतकरी नेते शिवाजीराव पाटील, आम आदमी पार्टीचे डॉ. रुपेश संचेती,आपचे तालुकाध्यक्ष संतोष पाटील, दिलीप पाटील यांच्या नेतृत्वात हे आंदोलन करण्यात आले.
दरम्यान नायब तहसीलदार अमोल पाटील यांनी निवेदन स्वीकारून शासन दरबारी लवकरात लवकर पाठपुरावा करण्याची ग्वाही दिली. शेतकऱ्यांच्या न्याय मागण्यासाठी परिसर घोषणाबाजीने दणाणून गेला होता. ३५ कोटी ४० लाख रुपये, शासकीय अनुदान प्राप्त करून घेण्यासाठी आम आदमी पार्टीचा संघर्ष यापुढे ही जर अतिवृष्टी बाधित शेतकऱ्यांना न्याय मिळाला नाही तर असाच संघर्ष पुढे सुरू राहील.
शेतकऱ्यांना न्याय न मिळाल्यास आम आदमी पार्टीचे संपूर्ण कार्यकर्ते मंत्रालयावर धडक मोर्चा नेऊन आंदोलनाद्वारे जाब विचारण्यासाठी आम आदमी पार्टी च्या वतीने पुढील रणनीती लवकरात लवकर तयार करून. धोरणानुसार तसेच वरिष्ठ नेत्यांच्या आदेशावरून आंदोलनाची दिशा ठरविण्यात येणार आहे. असे तालुका अध्यक्ष संतोष पाटील यांनी पक्षाच्या सर्व कार्यकर्त्यांना व शेतकरी यांना आवाहन केले.
सर्व शेतकरी व कार्यकर्ते यांच्यासमक्ष रास्तारोको आंदोलन करण्यात आले. यावेळी परिसरातील दिलीप बाबुराव पाटील मारवड सतीश बडगुजर, राजेंद्र भाऊराव पाटील, मधुकर पाटील गोवर्धन, राजू महाराज, अशोक विनायक पाटील, भरवसचे सरपंच गुलाबराव सिसोदे, बाबा सुर्वे, झुंबर पाटील तसेच समस्त परिसरातील सर्व शेतकरी बांधवांनी आंदोलनात सहभाग नोंदवला. मारवड पोलीस ठाण्याचे सहाय्यक पोलीस निरीक्षक जयेश खलाने व कर्मचारी यांनी आंदोलनाठिकाणी बंदोबस्त ठेवला होता.
