जळगाव, (प्रतिनिधी) : जळगाव जिल्हा कॅरम असोसिएशन आणि जैन स्पोर्ट्स अकॅडमी यांच्या संयुक्त विद्यमाने कै. बबनभाऊ बाहेती स्मृती जिल्हा मानांकन पुरुष एकेरी कॅरम स्पर्धेचे भव्य आयोजन करण्यात आले आहे. ही स्पर्धा दि. १ ते ३ ऑगस्ट २०२६ दरम्यान कांताई सभागृह, जळगाव येथे रंगणार आहे.
या मानांकन स्पर्धेत चमकदार कामगिरी करणाऱ्या पहिल्या आठ विजेत्या खेळाडूंना एकूण १६ हजार रुपयांची रोख पारितोषिके देऊन गौरवण्यात येईल. तसेच प्रथम चार क्रमांकाच्या खेळाडूंना आकर्षक चषक प्रदान केले जातील. स्पर्धेतील सर्व पारितोषिके ॲड. रोहन बाहेती यांच्या सौजन्याने दिली जाणार आहेत.
स्पर्धेत सहभागासाठी ऑनलाईन नोंदणी अनिवार्य असून इच्छुक खेळाडूंनी या लिंकवर (https://forms.gle/rN1W581dg4n9F7LW8) जाऊन आपले अर्ज भरावेत. प्रवेश निश्चित करण्याची अंतिम मुदत दि. ३० जुलै रोजी रात्री ९.०० वाजेपर्यंत आहे. जळगाव जिल्ह्यातील जास्तीत जास्त कॅरमपटूंनी या स्पर्धेत सहभाग नोंदवावा, असे आवाहन जळगाव जिल्हा कॅरम असोसिएशनचे राधेश्याम कोगटा, नितीन बरडे व मंजूर खान यांनी केले आहे.
