लालसिंग पाटील | भडगाव, दि.11- भुसावळ ते इगतपुरी मेमू रेल्वे नुकतीच सुरु करण्यात आली असून भडगाव तालुक्यात असलेल्या कजगाव रेल्वे स्टेशनवर मेमो रेल्वेचे स्वागत शिवसेना पदाधिकारी व ग्रामस्थांच्यावतीने करण्यात आले.
कोरोनामुळे गेल्या दीड वर्षांपासून भुसावळ-इगतपुरी रेल्वे सेवा बंद करण्यात आली होत, मात्र प्रवाश्यांची गैरसोय लक्षात घेता भुसावळ रेल्वे प्रशासनाने भुसावळ- इगतपुरी मेमू रेल्वे सेवेला सोमवार पासून सुरू केलीये. दरम्यान नव्याने मेमू रेल्वे सुरू झाल्याने प्रवासी व नागरिकांनी मध्ये आनंद व्यक्त होत आहे.
यावेळी शिवसेनेचे अनिल महाजन, माजी सरपंच मनोज धाडीवाल, उपसरपंच रफिक बागवान, अनिल टेलर, आशिष वाणी, रवी पाटील, अनिस मनीयार, रमेश बैरागी, यांच्यासह पत्रकार, नागरिक उपस्थित होते.
