अशोक लेलँडच्या ‘अयांश ऑटोमोबाईल्स’ शोरूमचे होणार थाटात उद्घाटन; अभिनेत्री सोनाली कुलकर्णीची विशेष उपस्थिती!

जळगाव, (प्रतिनिधी) : हिंदूजा समूहाच्या अशोक लेलँड या प्रतिष्ठित कंपनीचा जळगावातील अधिकृत सेल्स आणि सर्व्हिस पॉईंट म्हणून ‘अयांश ऑटोमोबाईल्स’ या अत्याधुनिक लाईट कमर्शियल व्हेइकल्स शोरूमचे भव्य उद्घाटन गुरुवार, ३० ऑक्टोबर २०२५ रोजी दुपारी ३ वाजता होणार आहे.

एमआयडीसी परिसरातील मारुती सुझुकी शो-रूमसमोर, अजिंठा रोडवर (G-5/1) उभारण्यात आलेल्या या शानदार शोरूमच्या उद्घाटनामुळे जळगाव जिल्ह्यातील व्यावसायिक, वाहतूकदार आणि शेतकरी वर्गाला मोठा दिलासा मिळणार आहे.

उद्घाटन सोहळ्याची खास आकर्षणे..
अशोक लेलँड लिमिटेडचे LCV प्रमुख विप्लव शाह यांच्या शुभहस्ते हा सोहळा संपन्न होईल. कार्यक्रमाचे खास आकर्षण म्हणून महाराष्ट्राची लाडकी अभिनेत्री सोनाली कुलकर्णी यांची विशेष उपस्थिती लाभणार आहे.

ग्राहकांना मिळणार ‘साथी’, ‘दोस्त’ आणि ‘बडा दोस्त’..
‘अयांश ऑटोमोबाईल्स’मुळे अशोक लेलँडचे ‘साथी’ हे वाहन प्रथमच ग्राहकांसाठी उपलब्ध झाले आहे. यासह, जळगाव परिसरातील ग्राहकांना ‘दोस्त’ आणि ‘बडा दोस्त’ यांसारखी कंपनीची लोकप्रिय वाहने आता सहज खरेदी करता येणार आहेत.

अयांश ऑटोमोबाईल्सचे संचालक यश सुनील मंत्री यांनी विश्वास व्यक्त केला की, “या शोरूममुळे ग्राहकांना विक्रीची उत्कृष्ट सेवा मिळेल. तसेच, एमआयडीसी परिसरातील रेमंड कंपनीच्या मागे (E-8) असलेल्या सर्व्हिसिंग पॉईंटवर अशोक लेलँड वाहनांचे उत्कृष्ट सर्व्हिसिंग आणि ओरिजिनल सुटे भाग (Spares) अशा सर्व सुविधा उपलब्ध होतील, ज्यामुळे ग्राहकांचा नक्कीच फायदा होईल.” या उद्घाटन सोहळ्याला शहरातील अनेक मान्यवरांची उपस्थिती अपेक्षित आहे.