जळगाव, (प्रतिनिधी) : शहरातील आकाशवाणी चौकाजवळील रामद्वारा (जगतपाल) येथे रविवार, ६ जुलै २०२५ पासून ते ७ सप्टेंबर २०२५ पर्यंत विशेष अखंड राम नामस्मरणाचे आयोजन करण्यात आले आहे. या आध्यात्मिक सोहळ्याची सुरुवात सकाळी ७ वाजता गुरुमहिमा आणि पदगायनाने झाली, त्यानंतर रामनामाचा अखंड जप सुरू करण्यात आला. यामध्ये अनेक रामस्नेही भाविकांनी उत्साहाने सहभाग घेतला.
या अखंड नामस्मरणाचे आयोजन रामद्वारा सिव्हिल हॉस्पिटल आणि रामद्वारा कांचन नगर येथेही करण्यात आले आहे. याप्रसंगी जगतपाल चांडक गुरुजी, डॉ. अनमोल चांडक आणि इतर अनेक रामस्नेही कार्यकर्ते उपस्थित होते.
आयोजकांतर्फे राज सूर्यवंशी यांनी जळगाव शहरातील जास्तीत जास्त भाविकांना आवाहन केले आहे की, त्यांनी या पवित्र सोहळ्यात दररोज किमान दोन तास राम नामाचा जप करून स्वतःच्या जीवनाचे कल्याणार्थ सहभागी व्हावे. हा कार्यक्रम ७ सप्टेंबर २०२५ पर्यंत सुरू राहणार आहे.
