भुसावळ, (प्रतिनिधी) : जळगाव जिल्हयातील एकमेव असलेली खाजगी प्राथमिक शाळा कर्मचारी सहकारी पतसंस्था मर्यादित जळगाव या संस्थेच्या अध्यक्षपदी भुसावळ येथील जिजामाता प्राथमिक विद्यामंदिराचे संतोष मराठे यांची निवड करण्यात आली आहे. २१ मे २०२५ रोजी झालेल्या संचालकांच्या बैठकीत हा निर्णय घेण्यात आला. या बैठकीत उपाध्यक्षपदी पारोळा येथील जयहिंद प्राथमिक विद्यामंदिराचे मुख्याध्यापक वना महाजन यांची निवड झाली.
यावेळी पतसंस्थेचे माजी अध्यक्ष श्री. बोरोले, सलीम तडवी, गोविंदा लोखंडे, आशिष पवार, तसेच संचालक प्रशांत साखरे, स्वप्निल पाटील, राकेश पाटील, अविनाश घुगे, गणेश लोडते, अमित चौधरी, प्रफुल्ल सरोदे, धनंजय काकडे, श्रीमती रूपाली पाटील, तज्ञ संचालक अमोल भारंबे, निखील जोगी आदी उपस्थित होते.
संतोष मराठे यांच्या निवडीबद्दल प्राथमिक शिक्षणाधिकारी विकास पाटील, उपशिक्षणाधिकारी विजय सरोदे, नरेंद्र चौधरी, तसेच खाजगी प्राथमिक शिक्षक व शिक्षकेतर महासंघाचे अध्यक्ष अजित चौधरी आणि चोपडा तालुका संघटनेचे अध्यक्ष सुनील पवार यांनी अभिनंदन केले आहे. या निवडीबद्दल मित्रपरिवाराकडूनही संतोष मराठे यांचे अभिनंदन करण्यात येत आहे.
