यावल, (प्रतिनिधी) : यावल तालुक्यातील सातपुड्याच्या कुशीतील जामुनझिरा येथे २० वर्षीय तरुणाला घरात सापाने दंश केला. हा प्रकार निदर्शनास येताच त्याला तातडीने उपचाराकरिता यावल ग्रामीण रुग्णालयात आणण्यात आले. येथे उपचारादरम्यान त्याचा मृत्यू झाला. ही घटना गुरुवारी घडली. या प्रकरणी यावल पोलीस ठाण्यात अकस्मात मृत्यूची नोंद करण्यात आली.
शेवला राजाराम बारेला (वय २०) असे मृताचे नाव आहे. शेवला बारेला यांच्या पश्चात पत्नी, मुलगा, आई, वडील असा परिवार आहे. शेवला हा तरुण गुरुवारी सकाळी आपल्या घरी असताना त्याला सापाने उजव्या हाताला दंश केला. हा प्रकार निदर्शनास येताच त्याला तातडीने तेथून उपचारार्थ यावल ग्रामीण रुग्णालयात आणण्यात आले. दरम्यान उपचार सुरू असताना त्याचा मृत्यू झाला. या प्रकरणी यावल पोलिसात राजाराम बारेला यांच्या खबरीवरून अकस्मात मृत्यूची नोंद करण्यात आली आहे.
