यावल, (प्रतिनिधी) : तालुक्यातील थोरगव्हाण येथील एका ३७ वर्षीय तरुणाने शुक्रवारी राहत्या घरात विषारी द्रव प्राशन करून आत्महत्येचा प्रयत्न केला. यावल ग्रामीण रुग्णालयात तपासणीअंती त्याला मयत घोषित करण्यात आले. यावल पोलीस स्टेशनला अकस्मात मृत्यूची नोंद करण्यात आली आहे.
थोरगव्हाण येथील रहिवासी प्रवीण राजेंद्र सपकाळे (३७) हा तरुण कुटुंबीयांसह राहत होता. शुक्रवारी आपल्या घरी असताना त्याने काहीतरी विषारी द्रव प्राशन केले. त्यावेळी त्याची पत्नी माहेरी गेली होती. तरुणाला ग्रामस्थांनी तातडीने यावल ग्रामीण रुग्णालयात आणल्यानंतर वैद्यकीय अधिकाऱ्यांनी तपासून त्याला मयत घोषित केले. घटनेची माहिती मिळताच यावल पोलीस स्टेशनच्या कर्मचाऱ्यांनी घटनास्थळी धाव घेतली तर पोलीस स्टेशनला अकस्मात मृत्यूची नोंद करण्यात आली आहे.
