जळगाव, दि. 13 – महाराष्ट्र काँग्रेस कमिटीचे प्रांताध्यक्ष नाना पटोले यांच्या निर्देशनुसार महाराष्ट्र प्रदेश काँग्रेस कमीटीने जळगावचे माजी खासदार डॉ.उल्हास पाटील यांची कल्याण शहर प्रभारी पदी नियुक्‍ती केली आहे.
नुकत्याच प्राप्त झालेल्या पत्रात मा. प्रांताध्यक्ष नाना पटोले यांच्या निर्देशनुसार राज्यातील सर्व जिल्हा काँग्रेस कमीटीच्या प्रभारी व सहप्रभारी यांची नियुक्‍ती करण्यात आली आहे.
यात जळगावचे माजी खासदार डॉ.उल्हास पाटील यांची कल्याण शहर प्रभारीपदी तर चंद्रकांत पाटील यांची सहप्रभारी म्हणून निवड करण्यात आली आहे. त्यांच्या नियुक्‍तीनंतर अभिनंदनाचा वर्षाव होत आहे. निवडीनंतर बोलतांना कल्याण शहर काँग्रेसचा चेहरामोहरा बदलण्याचा मानस माजी खा. डॉ. पाटील यांनी बोलून दाखवला.
