जळगाव, (प्रतिनिधी) : शहरातील जुनी जोशी कॉलोनी येथील श्री गुरु गोरक्षनाथ मंदिरा मध्ये माघ महिन्यातील द्वितीया धर्मबीज निमित्ताने नवनाथांचे ९ दिवसीय पारायण कार्यक्रमाची सांगता शुक्रवारी झाली.
२३ ते ३१ जानेवारी दरम्यान पारायण वाचन सेवा रोज रात्री ८ ते १० पर्यंत श्री स्वामी समर्थ केंद्र, जानकी नगर आणि वासुदेव जोशी समाज सेवा संघ यांच्यातर्फे सदर कार्यक्रमाचे आयोजन करण्यात आले होते. दरम्यान कार्यक्रमाची सांगता शुक्रवारी दि ३१ जानेवारी रोजी धर्मबीज निमित्ताने श्री गुरु गोरक्षनाथ मंदिरा मध्ये भाविकांना महाप्रसादाचे वाटप होऊन करण्यात आली.
यावेळी ५० महिला आणि ३० पुरुषांनी नवनाथ पारायण वाचन आणि पठण कार्यक्रमात सहभाग घेवून सेवा दिली. कार्यक्रमात मोठ्या संख्येने परिसरातील नागरिकांनी उपस्थिती दिली.
