जळगाव, (प्रतिनिधी) : रुरल चेंबर ऑफ कॉमर्स व ऑरेंज सिटी लिसेसने शेतकऱ्याचे संघर्ष समजून घेत, रासायनिक खतांच्या अतिवापरामुळे निर्माण होणाऱ्या समस्यांना लक्ष्य केले आहे. या समस्यांवर उपाय म्हणून पेटंटेड जैव-उत्तेजक आणि जैव-कीटकनाशक ही उत्पादने संपूर्ण संशोधनातून विकसित केली आहेत. शेतकऱ्यांसाठी हे किफायतशीर ठरणार आहेत, अशी माहिती रुरल चेंबर ऑफ कॉमर्सने मंगळवारी दिनांक २८ जानेवारी रोजी पत्रकार परिषदेत दिली.
पत्रकार परिषदेला संजय देशमुख, यशवंत मोरे, जैन उपस्थित होते. ऑरेंज सिटी लिसेस व रुरल चेंबर ऑफ कॉमर्स याची भागीदारी शेतकऱ्याचे उत्पन्न वाढवणे, मातीचे आरोग्य सुधारणे आणि शाश्वत शेतीसाठी नवा पायंडा घालणे यावर केंद्रित आहे. आरसीसीच्या माध्यमातून या नाविन्यपूर्ण उत्पादनाचा प्रचार व प्रसार केला जाईल, असे त्यांनी सांगितले.
पेटंटेड जैव-उत्तेजक आणि जैव-कीटकनाशक ही उत्पादने कमीत कमी खर्चात आधुनिक जैविक शेतीला चालना देत शेतकऱ्यांना शाश्वत व किफायतशीर शेतीचे नवे पर्याय उपलब्ध करून देत आहेत. रुरल चेंबर ऑफ कॉमर्स ऑफ इंडिया प्रत्येक गावात एक प्रतिनिधी नेमणार असून, हा प्रतिनिधी शेतकऱ्याऱ्यांना जैविक शेतीचे प्रशिक्षण देईल आणि पेटंटेड जैव-उत्तेजक आणि जैव-कीटकनाशक ही उत्पादने सहज उपलब्ध करून देणार आहेत.
ही चळवळ प्रधानमंत्री नरेंद्र मोदींच्या नैसर्गिक शेती राष्ट्रीय अभियान व भारताला ऑर्गनिक राष्ट्र बनवण्याच्या मिशनशी सुसंगत आहे. जैविक उत्पादने पिकवणाऱ्या शेतकऱ्यांसाठी जागतिक बाजारपेठ निर्माण करणे हा देखील या चळवळीला महत्त्वाचा भाग आहे.
