जळगाव, (प्रतिनिधी) : मकर संक्रांति निमित्त तुलसी परिवारातर्फे आचार्य किरीट भाई यांचे प्रवचन जळगावातील छत्रपती संभाजीराजे नाट्यगृहात आयोजित करण्यात आले आहे. नागरिकांनी एक दिवसीय प्रवचनाचा लाभ घेण्याचे आवाहन आयोजकांनी केले आहे.
दि. १४ जानेवारी २०२५ रोजी सकाळी ९.०० ते १२ वाजे दरम्यान तुलसी परिवारातर्फे प्रवचनचा कार्यक्रम आयोजित करण्यात आला आहे. या कार्यक्रमात किरीट भाईंचे प्रत्यक्ष दर्शन व विद्वत्ता पूर्ण प्रवचनाचा लाभ सर्व महानुभावाना होणार आहे. तरी भाविकांनी या कार्यक्रमास उपस्थित राहावे असे आवाहन आयोजकांतर्फे करण्यात आले आहे.
धार्मिक आणि अध्यात्मिक क्षेत्रात संत किरीट भाई यांची जागतिक कीर्ती पसरली आहे. त्यांनी देश विदेशात श्रीमद्भागवत, शिवपुराण, राम कथा, हनुमान कथा इत्यादी अध्यात्मिक विषयांवर निरूपण केलेले आहे. अशा महान संतांचा लाभ भाविकांना होणार आहे. या कार्यक्रमास मोठ्या संख्येने भाविकांनी उपस्थिती द्यावी, असे आवाहन आयोजकांकडून करण्यात आले आहे.
