जळगाव, (प्रतिनिधी) : शहरातील एमआयडीसी परिसरात असलेल्या सागर हॉटेल व लॉजवर वैश्याव्यवसाय सुरू असल्याच्या माहिती वरून आज सोमवारी अचानक दुपारच्या सुमारास कारवाई करण्यात आली.
यावेळी पंटरच्या मदतीने टाकलेल्या छापा कारवाईत हॉटेलमध्ये सुरू असलेला वेश्या व्यवसाय उघडकीस आला. सहा महिला, एक ग्राहक आणि हॉटेल व्यवस्थापक असे या छाप्यात आढळून आले. हॉटेल मालक पसार होण्यात यशस्वी झाला आहे.
एमआयडीसी पोलीस स्टेशन हद्दीतील सागर हॉटेल व लॉज या ठिकाणी हा वेश्याव्यवसाय सुरु होता. त्याबाबत गुप्त बातमी पोलीस निरीक्षक संदीप पाटील यांना मिळाली होती. त्या माहितीच्या आधारे ही कारवाई करण्यात आली.
पोलीस निरीक्षक संदीप पाटील यांच्या पथकातील पोलीस उपनिरीक्षक राहुल तायडे, सफौ दत्तात्रय बडगुजर, राजेंद्र कांडेकर, सुनंदा तेली, पोकॉ इम्रान बेग, तुषार गिरासे, पोकॉ राहुल घेटे, छगन तायडे आदींनी या कारवाईत सहभाग घेतला दोन पंच व एक डमी ग्राहकाच्या मदतीने ही कारवाई करण्यात आली. हॉटेल मालक सागर सोनवणे हा पसार होण्यात यशस्वी झाला आहे. पीडित महिलांना वैद्यकीय तपासणीअंती आशादीप महिला वस्तीगृहात दाखल करण्यात आले आहे.
