जळगाव, (प्रतिनिधी) : ग्रामदैवत श्रीराम मंदिर संस्थान आयोजित श्रीराम रथोत्सवात जळगाव शहर मतदार संघातील महायुतीचे उमेदवार आमदार सुरेश भोळे (राजू मामा) यांनी भेट देत दर्शन घेतले.
कार्तिकी एकादशी निमित्त १५० वर्षांची परंपरा असलेल्या जुने जळगावातील श्रीराम मंदिर संस्थान तर्फे रथोत्सव काढण्यात आला. दरम्यान आमदार सुरेश भोळे (राजुमामा) यांनी श्रीराम रथोत्सवानिमित्त उपस्थित राहून मनोभावे दर्शन घेतले. तसेच आपल्या जळगांव शहराच्या विकसासाठी तसेच समृद्धीसाठी मनोभावे प्रार्थना केली.
यावेळी मंदिर संस्थानचे मंगेश महाराज जोशी आणि गुरू बाळकृष्ण महाराज यांची उपस्थिती होती. हा रथोत्सव सोहळा मोठ्या उत्साहात संपन्न झाला. दरवर्षीप्रमाणे या ही वर्षी भाविक भक्त मोठ्या संख्येने उत्स्फूर्तपणे उपस्थित होते.
