मविआचे दिलीप खोडपे सर यांच्या प्रचारादरम्यान शरद पवार गटाची झाली जाहीर सभा
जामनेर, (प्रतिनिधी) : येथील विधानसभा मतदारसंघातील महाविकास आघाडीचे उमेदवार दिलीप खोडपे सर यांच्या प्रचारासाठी स्टार प्रचारक आ. रोहित पवार यांची जाहीर सभा घेण्यात आली. ज्यांना त्यांच्याच मतदारसंघात चिखलात रस्ते तुडवीत जावे लागते, ते काय जनतेसाठी विकास कामे करतील ? असा सवाल यावेळी आमदार रोहित पवार यांनी जनतेला विचारला.
विधानसभा निवडणुकीचे पडघम आता जोर धरत आहेत. अशातच प्रचारासाठी अवघे ११ दिवस शिल्लक आहेत. जामनेर येथे राष्ट्रवादी काँग्रेस पक्ष शरद पवार गटाचे उमेदवार दिलीप खोडपे यांच्या प्रचारासाठी आ. रोहित पवार यांची जाहीर सभा घेण्यात आली. सभेमध्ये आ. रोहित पवार यांनी, आता बदल हवा असेल तर दिलीप खोडपे यांच्याशिवाय तुम्हाला पर्याय नाही. महाविकास आघाडी केवळ विकास कामे करणार असे सांगत नाही तर कृती देखील करते.
VIDEO 👇
भाजपचे मंत्री केवळ मोठ्या गोष्टी करतात मात्र प्रत्यक्षात जनता आजही विकासापासून कोसो दूर आहे अशा शब्दात त्यांनी भाजपच्या कार्यपद्धतीचा खरपूस समाचार घेतला. यावेळी उद्योजक श्रीराम दयाराम पाटील, प्रवीण गरुड, उज्वलाताई काशीद, महिला जिल्हाध्यक्ष वंदनाताई चौधरी, हिरालाल राठोड, ओंकार नायक, जिल्हा कार्याध्यक्ष शालिग्राम मालकर, दिगंबर पाटील, डॉ. मनोहर पाटील, राजू बोहरा, प्रशांत पाटील, शंकर राजपूत यांच्यासह महाविकास आघाडीतील सर्व घटक पक्षांचे पदाधिकारी कार्यकर्ते महिलावर्ग मोठ्या संख्येने उपस्थित होता.
