भडगाव तालुक्यातील पिचर्डे येथील घटना
भडगाव (प्रतिनिधी ) ;- लहान भावावर झोपेतच कुऱ्हाडीने डोक्यात वार करून त्याला संपविल्याची धक्कदायक घटना भडगाव तालुक्यातील पिचर्डे येथे आज १२ रोजी सकाळी उघडकीस आल्याने प्रचंड खळबळ उडाली आहे . विठ्ठल आनंदा पाटील (वय ५० ) असे ठार झालेल्या भावाचे नाव आहे. सलग खुनाच्या दुसऱ्या घटनेमुळे जिल्हा हादरला आहे.
याबाबत सूत्रांनी दिलेली महिती अशी कि, भडगाव तालुक्यातील पिचर्डे विठ्ठल आनंदा पाटील हे रात्री खळ्यातील मोकळया जागेत झोपलेले असताना त्यांचा मोठा भाऊ अभिमन आनंदा पाटील याने आपल्या लहान भावाची हत्या केल्यानंतर गुपचूप घरी जाऊन झोपला. सकाळी मयताच्या लहान भाऊ खळयात गेल्यावर त्यांना विठ्ठल आनंदा पाटील मृतव्यवस्थेत आढळले असता त्यांनी लागलीच पोलिस पाटलांना ही माहिती दिली. पोलिस पाटील यांनी भडगाव पोलिस स्टेशनला कळवले व त्यानंतर भडगाव पोलिस पथक घटनास्थळी दाखल झाले. त्यांनी तपास सुरू केल्यानंतर मोठ्या भावावर संशय आल्याने त्याला ताब्यात घेण्यात आले. पोलिसांनी पोलिसी खाक्या दाखविताच आरोपीने हत्येची कबुली दिली.
भडगाव पोलिसांनी रुग्णवाहीकेसह घटनास्थळी धाव घेत हत्या प्रकरणात वापरलेले हत्यार व आरोपीस देखील ताब्यात घेतले असून, मृतदेह भडगाव ग्रामीण रुग्णालय येथे आणण्यात आला . यावेळी पोलिस उपअधीक्षक अभयसिंग देशमुख ,पोलिस निरीक्षक पवार यांनी घटनास्थळी भेट दिली. या घटनेचा पुढील तपास पीएसआय डोमाळे यांच्या मार्ग दर्शनाखाली भडगाव पोलीस करीत आहेत.दरम्यान मयत विठ्ठल आनंदा पाटील यांच्या पश्चात पत्नी, दोन मुली असा परिवार आहे.
