चोपडा, दि.०३ – येथील युवा चित्रकार अनिलराज पुनमचंद पाटील यांच्या ,विश्वविनायक चित्राची निवड दिल्ली येथे होणाऱ्या राष्ट्रीय पातळीच्या चित्र प्रदर्शनात झाली आहे. आर्ट सिटी आर्ट गॅलरी चे प्रमुख आनंद कुमार झा यांनी पाटील यांना प्रदर्शनात चित्र निवड झाल्याचे प्रमाण पत्र पाठविले आहे.
हे चित्र प्रदर्शन दिनांक ०१ ऑगस्ट ते ०५ ऑगस्ट २०२३ दरम्यान होणार आहे अनिलराज पाटील यांनी कलेची देवता श्री गणेशाचे पेन व शाही च्या सह्याने ठीपके देऊन चित्र साकारले आहे. अनिलराज पाटील यांचे सर्व स्तरातून अभिनंदन होत असून माजी प्राचार्य राजेन्द्र महाजन चोपडा, चंद्रशेखर कुमावत पुणे, चित्रकार मिलिंद विचारे पुणे, यांचे मार्गदर्शन लाभत असते. त्याचबरोबर पेंटर रवी कला, सातपुडा निसर्ग संस्थेचे अध्यक्ष हेमराज पाटील यांच्यासह मित्र परिवार तर्फे पाटील यांना शुभेच्छा देण्यात आल्या.
