जळगाव, दि. ११ – एमआयडीसी हद्दीत शुक्रवारी ९ जुन रोजी पद्मिनी इंटरप्रायजेस एन-६६, फौजी ढाब्या समोर कडीकोंडा उघडुन घरातून २ मोबाईल व २९ हजार रोख रक्कम चोरीला गेली होती. या प्रकरणी एमआयडीसी पोलीस ठाण्यात या संदर्भात गुन्हा दाखल झाला होता. दरम्यान या घरफोडीचा समांतर तपास स्थानिक गुन्हे शाखेकडे देण्यात आला होता.
गुप्त बातमीदाराच्या माहितीनुसार संशयित हा एमआयडीसीतील एन सेक्टर मध्ये हमाली काम करणारा विनोद राठोड असल्याचे समजुन आले. दरम्यान संशयिताचा शोध घेत असताना तो शहरातील राजकमल चौकात आढळून आला. लागलीच त्याला स्थानिक गुन्हे शोध पथकाने ताब्यात घेतले. त्याच्या कडून गुन्ह्यातील चोरी गेला मालापैकी २ मोबाईल व १५ हजार रोख रक्कम मिळून आले. त्यास पुढील कारवाईसाठी एमआयडीसी पोलिस ठाण्याच्या ताब्यात देण्यात आले आहे.
पोलीस अधीक्षक एम. राज कुमार, अपर पोलीस अधीक्षक चाळीसगाव रमेश चोपडे, उप विभागीय पोलीस अधिकारी संदिप गावीत यांच्या आदेशाशरून स्थानिक गुन्हे शाखेचे वरिष्ठ पोलीस निरीक्षक किसन नजनपाटील यांनी पोलीस पथक तयार करून पथकाच्या माध्यमातून संशयित आरोपीचा शोध घेत त्याला ताब्यात घेतले.
याशोध पथकात स्थानिक गुन्हे शाखेतील पोलिस हवालदार विजयसिंग पाटील, सुधाकर अंभोरे, अकरम शेख, महेश महाजन, संदिप सावळे, पोलिस नाईक विजय पाटील, प्रितम पाटील, नितीन बावीस्कर, सचिन महाजन, ईश्वर पाटील यांचा समावेश होता.
