जळगाव, दि. 02 – माजी मंत्री एकनाथराव खडसे यांच्या वाढदिवसानिमित्त सुनील वामनराव खडके मित्र परिवाराच्या वतीने ‘नाथ मॅरेथॉनचे’ आयोजन गुरुवारी करण्यात आले. दरम्यान जळगाव शहराचे माजी उपमहापौर सुनील खडके यांच्या नेतृत्वात घेण्यात आलेल्या मॅरेथॉनला हिरवी झेंडी दाखवत मान्यवरांच्याहस्ते सुरुवात करण्यात आली.
काव्यरत्नावली चौकापासून ते स्वातंत्र्य चौकाला वळसा घालत पुन्हा काव्यरत्नावली चौकापर्यंत असा मॅरेथॉनचा मार्गक्रम होता.
यात पुरुष आणि महिला असे दोन गट करण्यात आले होते.
दरम्यान विजयी स्पर्धकांना प्रमाणपत्र व स्मृतिचिन्ह देऊन गौरवण्यात आले. यावेळी उद्योजक किशोर ढाके, चंदन चौधरी, अशोक लाडवंजारी, दिलीप माहेश्वरी, डॉक्टर दीपक नेहेते, डॉक्टर योगेंद्र नेहेते आदी मान्यवर व्यासपीठावर उपस्थित होते.
पहा.. VIDEO
