जळगाव, दि.26- शिवाजीनगरातील पटेल वाडी भागात रस्त्यांची अवस्था अतिशय खराब झाली आहे. ठिकाणी मोठ मोठे खड्डे पडले असून पावसामुळे सर्वत्र रस्त्यावर चिखल पसरलेला आहे. यासंदर्भात शिवसेनेचे शिवाजीनगर विभाग प्रमुख विजय बांदल यांच्या नेतृत्वात महापालिकेचे आयुक्त सतिश कुलकर्णी यांना निवेदन देण्यात आले.
परिसरात गणेश मूर्ती बनविण्याचे कारखाने असून मूर्तिकारांना आपल्या गणेश मूर्ती त्यांच्या कारखान्यातून बाहेरगावी विक्रीसाठी नेण्याकरता वाहनातून घेऊन जावे लागतात. अशा वेळी मूर्तिकारांना आपली वाहने नेण्या आणण्यास खूपच त्रासदायक होत आहे. आणि त्यात गणेश मूर्तींची तुटफुट होते. तरी रस्ता दुरुस्तीचे काम तात्काळ करण्यात यावे अशी मागणी करण्यात आली.
यावेळी शिवाजीनगर शिवसेना विभाग प्रमुख विजय लक्ष्मण बांदल, शिवसेना कार्यालय प्रमुख संजय सांगळे, गणेश मोझर, छावा संघटनेचे उपजिल्हा प्रमुख किरण ठाकूर, मधुकर साबळे आदी पदाधिकारी कार्यकर्ते उपस्थित होते.
