जळगाव, प्रतिनिधी : महाराष्ट्र आरोग्य विज्ञान विद्यापीठाचे नवनियुक्त कुलगुरू डॉ. व्यंकटराव शाहुबाई अर्जुनराव गिते यांचा जळगाव शहरातील संभाजी नाट्यगृह येथे विविध आरोग्य संस्थांच्या वतीने सत्कार सोहळा आयोजित करण्यात आला.
यावेळी गोदावरी फाऊंडेशन संचलित आरोग्य विज्ञान विद्यापीठ संलग्न महाविद्यालयांच्या वतीने डॉ. गिते यांचा विठ्ठल-रुक्मिणीची प्रतिमा भेट देऊन सत्कार करण्यात आला.या भव्य सत्काराने कुलगुरू डॉ. गिते हे भारावले. त्यांनी गोदावरी संस्थेच्या आरोग्य क्षेत्रातील कार्याचे कौतुक करीत भविष्यात सर्वतोपरी सहकार्य करण्याचे आश्वासन दिले.
जळगावातील छत्रपती संभाजीराजे नाट्यगृहात आयोजित कार्यक्रमास डॉ. उल्हास पाटील वैद्यकीय महाविद्यालयाचे डॉ. सी. डी. सारंग, डॉ. धनंजय बोरोले, डॉ. निलेश बेंडाळे, डॉ. शिरसाठ, डॉ. उल्हास पाटील कॉलेज ऑफ फिजिओथेरपीचे प्राचार्य डॉ. जयवंत नागुलकर, डॉ. उल्हास पाटील कॉलेज ऑफ होमिओपॅथीचे प्राचार्य डॉ. विद्यानंद आठवले, डॉ. गुणवंतराव सरोदे आयुर्वेद महाविद्यालय व रुग्णालय तथा संशोधन केंद्राचे अधिष्ठाता डॉ. हर्षल बोरोले, गोदावरी कॉलेज ऑफ नर्सिंगच्या प्राचार्या डॉ. विशाखा गणवीर, डॉ. केतकी पाटील कॉलेज ऑफ नर्सिंगचे प्राचार्य शिवानंद बिरादार यांच्यासह विविध मान्यवर उपस्थित होते.
डॉ. विद्यानंद आठवले यांनी प्रास्ताविकातून गोदावरी फाऊंडेशनच्या माध्यमातून सुरू असलेल्या शैक्षणिक व आरोग्यविषयक कार्याचा तसेच विविध अभ्यासक्रमांच्या विस्ताराचा आढावा मांडला. संभाजी नाट्यगृह परिसरात गोदावरी फाऊंडेशनच्या स्वागत फलकांनी लक्ष वेधून घेतले. कार्यक्रमामुळे गोदावरी फाऊंडेशनच्या विविध आरोग्य शिक्षण संस्थांमधील समन्वय आणि विद्यापीठाशी असलेले शैक्षणिक संबंध अधिक दृढ होण्यास चालना मिळाली.
