पारोळा, दि. 03 – पारोळा शहरातून कजगाव कडे जाणाऱ्या रस्त्यांची मोठ्या प्रमाणात दुरवस्था झाली आहे. दरम्यान रस्ता दुरुस्ती बाबत महाराष्ट्र नवनिर्माण सेनेच्या पारोळा येथील तालुका पदाधिकाऱ्यांनी तहसीलदार यांना निवेदन दिले.
कजगावाकडे जाणार्‍या रस्त्यावर मोठ मोठाले खड्डे पडले असून गटारीचे पाणी देखील रस्त्यावर वाहून येत आहे. त्यामुळे परिसरात प्रचंड दुर्गंधी पसरत आहे. त्याच बरोबर या खड्ड्यांमुळे मोठा अपघात होण्याची शक्यता देखील वर्तवली जात आहे.
तरी या संदर्भात संबंधित विभागाने तात्काळ गांभीर्याने लक्ष घालून गटार आणि रस्ता 15 दिवसाच्या आत दुरुस्त करावा, अन्यथा महाराष्ट्र नवनिर्माण सेनेच्या वतीने रास्ता रोको करत तीव्र स्वरूपाचे आंदोलन छेडण्यात येईल असा इशारा देण्यात आला.
यावेळी राजेश बाविस्कर, शशांक जाधव, हितेश पाटील , अजय सोनवणे, शरद पाटील, वाल्मिक पाटील, सागर भोई, चेतन भोई, अमोल पाटील आदींसह पदाधिकारी कार्यकर्ते उपस्थित होते.
