लालसिंग पाटील | भडगाव, दि.26 – तालुक्यातील कजगाव येथे महादेव मंदिरात मूर्तीची प्राणप्रतिष्ठा व स्थापना सोहळा शनिवारी संपन्न झाला. माजी सरपंच कै भरतसिंग रामसिंग पाटील यांच्या शेतात असलेल्या नवीन महादेव मंदिरात कलशारोहण व भगवान महादेव मुर्तीची प्राणप्रतिष्ठा अमळनेर येथील संत सखाराम महाराज संस्थेचे प्रसाद महाराज अमळनेरकर यांच्या हस्ते करण्यात आली.
दोन दिवस सुरु असलेल्या कार्यक्रमाप्रसंगी गावातून सवाद्य कलश मिरवणूक काढण्यात आली. तसेच रविवारी महाप्रसादाचे आयोजन करण्यात आले आहे. कार्यक्रमासाठी स्वप्निल पाटील, लक्ष्मण पाटील, रामसिंग पाटील, सुभाष पाटील, रावसाहेब पाटील, अशोक पाटील आदींनी परिश्रम घेतले. यावेळी भाविकांनी प्राणप्रतिष्ठा सोहळा व महाप्रसादाचा लाभ घेण्याचे आवाहन दिनेश पाटील यांच्यासह ग्रामस्थांनी केले.
