जळगाव, (प्रतिनिधी) : धरणगाव तालुक्यातील पाळधी बायपासजवळ मंगळवारी दुपारी २ दुचाकींची समोरासमोर भीषण धडक झाली. या धडकेत एक तरुण गंभीर जखमी झाला असून त्याच्यावर अतिदक्षता विभागात उपचार सुरु आहेत. तर पिंप्राळ्यातील पती-पत्नींसह ३ जण जखमी झाले आहे. जखमींना शासकीय वैद्यकीय महाविद्यालय आणि रूग्णालयात उपचारार्थ दाखल करण्यात आले आहे. पाळधी दूरक्षेत्र पोलीस स्टेशनला नोंद घेण्याचे काम सुरु होते.
जळगाव शहरातील पिंप्राळा भागातील रहिवासी बापुराव महादु पाटील (वय ५२) हे पत्नी संगीता बापुराव पाटील (वय ४५) यांच्यासोबत पाळधी येथून दुचाकीने जळगावकडे येत होते. त्यावेळी जळगावहून धरणगावकडे जाणाऱ्या दुचाकीने त्यांच्या दुचाकीला जोरदार धडक दिली. हा अपघात पाळधी बायपासजवळ मंगळवारी २२ एप्रिल रोजी दुपारी १ वाजेच्या सुमारास घडला आहे.
या भीषण अपघातात बापुराव पाटील व त्यांची पत्नी संगिता पाटील हे जखमी झाले तर समोरील दुचाकीवरील मगन पुन्या बारेला (वय २५) आणि उपरसिंग बरडे बारेला (वय २२ दोन्ही रा. मध्यप्रदेश, ह. मु. पिंप्री ता. धरणगाव) हे दखील जखमी झाले. यातील उपरसिंग यांची प्रकृती चिंताजनक असल्याने त्यांला अतिदक्षता विभागात दाखल करण्यात आले. या अपघातात पाळधी दूरक्षेत्र पोलीस स्टेशनला नोंद घेण्याचे काम सुरु होते.
