जळगाव, (प्रतिनिधी) : शहरातील गणेशवाडी परिसरातील रणछोड नगरामध्ये घरात घुसून एका महिलेच्या डोक्यात लोखंडी हत्याराने वार करून निर्घृण खून केल्याची घटना गुरुवारी रात्री साडेआठ वाजेच्या सुमारास घडली. या घटनेमुळे जिल्ह्यात प्रचंड खळबळ उडाली असून एमआयडीसी पोलिस स्टेशन आणि एलसीबीचे पथक घटनास्थळी झाले होते.
▪️ आजचा रंग- जांभळा
सुवर्णा राजेश नवाल (वय ५७, रा. रणछोड नगर, गणेश वाडी जळगाव) असे मयत महिलेचे नाव आहे. त्यांच्या पश्चात पती राजेंद्र नवाल, दोन मुली आणि एक मुलगा असा परिवार आहे. त्यांचे पती राजेश नवाल हे दाणा बाजार परिसरामध्ये धान्याचे व्यापारी आहेत. (केपी)दरम्यान गुरुवारी १० ऑक्टोबर रोजी रात्री ८.३० वाजेच्या पूर्वी सुवर्णा नवाल ह्या घरी एकट्या असताना अज्ञात व्यक्ती त्यांच्या घरात शिरला. त्यावेळी त्याने लोखंडी वस्तूने त्यांच्या डोक्यात वार करून त्यांचा खून केला.
दरम्यान रात्री ८.३० वाजता मयत सुवर्णा नवाल यांचे पती राजेश नवाल हे घरी आल्यानंतर हा धक्कादायक प्रकार समोर आला. घटनेची माहिती मिळाल्यानंतर पोलिसांनी घटनास्थळी धाव घेत चौकशीला सुरुवात केली आहे. रात्री उशिरा महिलेचा मृतदेह शासकीय वैद्यकीय महाविद्यालय व रुग्णालयामध्ये नेण्यात आला.(केपी) यावेळी कुटुंबीयांनी एकच आक्रोश केला होता. दरम्यान भरवस्तीमध्ये एका महिलेचा खून करण्यात आल्याने जळगाव जिल्ह्यात खळबळ उडाली आहे.
