वाचा कुठे घडली घटना ….
डेहराडून (वृत्तसंस्था ) : उत्तराखंडमधील सितारगंजमध्ये चार वर्षांच्या मुलीवर तीन अल्पवयीन मुलांनी सामूहिक अत्याचार केला. तिन्ही आरोपी अल्पवयीन असून ते मुलींच्या शाळेत शिकतात. यातील एक आरोपी विशिष्ट समाजातील असल्याने पोलिस-प्रशासन खबरदारी घेत आहे. गोंधळाची शक्यता लक्षात घेऊन खबरदारीचा उपाय म्हणून परिसरात बंदोबस्त तैनात करण्यात आला आहे.
तिन्ही आरोपी ९, ११ आणि १४ वर्षांचे आहेत. १४ वर्षीय आरोपी एका विशिष्ट समाजातील असून सध्या फरार आहे. अन्य दोन आरोपींना पोलिस संरक्षणात ताब्यात घेण्यात आले आहे. पोलिसांकडून मिळालेल्या माहितीनुसार, सोमवारी एका महिलेने आपली ४ वर्षांची मुलगी शाळेत गेल्याची माहिती पोलिसांना दिली. जिथे तिच्यावर सामूहिक बलात्कार झाला. महिलेने पोलिसांना सांगितले की, मुलगी सकाळी आठ वाजता शाळेत गेली होती. दोन-तीन तासांनंतर ती रडत घरी आली. महिलेने तिला रडण्याचे कारण विचारले असता मुलीने शाळेत शिकणाऱ्या तीन मुलांनी तिच्या गुप्तांगाचा विनयभंग केल्याचे सांगितले.
मुलीचे बोलणे ऐकून आईच्या पायाखालची जमीन सरकली. महिलेने तत्काळ कोतवाली पोलिस ठाण्यात मुलीवर बलात्कार झाल्याची तक्रार दाखल केली. पोलिसांनी मुलीची वैद्यकीय तपासणी करून गुन्हा दाखल करून ९ व ११ वर्षीय दोन्ही अल्पवयीन आरोपींना आपल्या ताब्यात घेतले, तर १४ वर्षीय आरोपी पसार झाला. पोलिस अधीक्षक मनोज कत्याल यांनी सांगितले की, परिसरात एका ४ वर्षाच्या मुलीवर बलात्कार झाला. पोलिसांनी दोन अल्पवयीन आरोपींना ताब्यात घेतले आहे, तर तिसरा अल्पवयीन आरोपी फरार असून त्याचा शोध सुरू आहे. मुलीची वैद्यकीय तपासणीही करण्यात आली आहे.
