यावल, (प्रतिनिधी) : तालुक्यातील किनगाव खुर्द येथील रहिवाशी ७९ वर्षीय वृद्धाने आडगाव रस्त्यावरील शेत विहिरीत उडी घेऊन आत्महत्या केली. ही घटना सोमवार दिनांक २६ रोजी सकाळी ९ वाजता उघडकीस आली. याप्रकरणी यावल पोलीस ठाण्यात अकस्मात मृत्यूची नोंद करण्यात आली आहे.
दगडू काशीराम चव्हाण (७९, किनगाव खुर्द) असे मयताचे नाव आहे. दगडू चव्हाण या वृद्धाने आडगाव रस्त्यावरील शेत-विहिरीत उडी घेतली. हा प्रकार निदर्शनास येताच नागरीकांनी शेतात धाव घेतली व त्यांना तातडीने विहिरीतून बाहेर काढण्यात आले व यावल ग्रामीण रुग्णालयामध्ये आणण्यात आले. यावल ग्रामीण रुग्णालयामध्ये वैद्यकीय अधिकारी डॉ. प्रशांत जावळे यांनी तपासणी करून त्यांना मृत घोषित केले.
याप्रकरणी यावल पोलीस ठाण्यात दीपक चव्हाण यांनी दिलेल्या खबरी वरून अकस्मात मृत्यूची नोंद करण्यात आली. पुढील तपास पोलीस निरीक्षक प्रदीप ठाकूर यांच्या मार्गदर्शनाखाली हवालदार उमेश महाजन करीत आहे.
