जळगाव | दि. ०५ ऑगस्ट २०२४ | माजी जिल्हा नियोजन अधिकारी प्रतापराव पाटील यांच्या ५९ व्या वाढदिवसाच्या निमित्त जळगाव सायकलीस्ट तर्फे अनोख्या पद्धतीने साजरा करण्यात आला. दरम्यान ५९ सायकल पटूंनी ५९ की.मी. सायकल चालवून पाटील यांचा वाढदिवस साजरा केला. सकाळी ६ वाजता या प्रवासाची सुरुवात आकाशवाणी चौकातून सुरू होऊन शिरसोली मार्गे वावळादा येथून नेरी रस्त्यावरील पळासखेडा पर्यंत जाऊन परत वावळदा येथे येत केक कापण्यात आला.
त्यानंतर रामदेववाडी टेकडीवर सायकल सेल्फी प्रताप पॉइंट चे अनावरण करण्यात आले व प्रवासाची सांगता आकाशवाणी चौकात करण्यात आली. यावेळी रॅली मध्ये पाचोरा येथील उपविभागीय पोलीस अधिकारी श्री. वारुळे व सहकारी तसेच जामनेर येथील दीपक महाजन व सहकारी सायकलींग करून वावळादा येथे आले होते.
तसेच चाळीसगाव येथील टोनी पंजाबी व सहकारी तसेच चोपडा येथून अरविंद पाटील व सहकारी यांनी सुध्दा व्हर्चुअल सायकलिंग करत ५९ की. मी. राईड आपापल्या तालुक्यात केली. सदर सायकलिंगचे आयोजन जळगाव सयकलिस्ट तर्फे धर्मदाय उपायुक्त मोहन गाडे, निलेश चौधरी, राम घोरपडे, रुपेश महाजन, स्वप्नील मराठे, सखाराम ठाकरे, अनिकेत पवार, दीपक दलाल, सुभाष पवार यांच्यासह इतर राईडर यांनी मार्फत करण्यात आले.
