फराज अहमद | जळगाव, दि. 17 – कोरोना महामारीत अनेक जणांचे मृत्यू झाले. दरम्यान त्यांच्या पाल्यांना मोफत शिक्षण उपलब्ध करून देण्याच्या मागणीसाठी जामनेर तालुक्यातील राष्ट्रवादी काँग्रेसच्या वतीने शुक्रवारी गीताबाई दत्तात्रय महाजन कॉलेजचे प्राचार्य डॉ शिरीष पाटील यांना निवेदन देण्यात आले.
दरम्यान तालुक्यात झालेल्या पावसाच्या अतिवृष्टीमुळे भरपूर प्रमाणात घरांचे व शेतीचे नुकसान झाले असून त्यांच्या सुद्धा पाल्यांना आपल्या महाविद्यालयात मोफत शिक्षण उपलब्ध करून द्यावे, जेणे करून सदर कुटुंबाला आधार होऊन मदत होईल.
यावेळी राष्ट्रवादी विद्यार्थी काँग्रेसचे जामनेर तालुका अध्यक्ष विशाल पाटील, शहर अध्यक्ष पराग दिलीप नेरकर, जिल्हा उपाध्यक्ष अमोल पाटील, युवक काँग्रेस पार्टी जामनेर तालुका अध्यक्ष दिपक राजपूत, कार्याध्यक्ष प्रतीक पाटील, भूषण पाटील, योगेश पाटील, सौरभ गुर्जर आदींसह पदाधिकारी, कार्यकर्ते उपस्थित होते.
