जळगाव, दि.१३ – श्री क्षत्रिय अहिर शिंपी समाज हितवर्धक संस्था संचलित युवक मंडळातर्फे आयोजित शिंपी प्रीमियर लीग सीजन थ्री चा भव्यदिव्य असा समारोप मंगळवारी झाला. यावेळी आमदार सुरेश भोळे (राजु मामा) यांची विशेष उपस्थिती होती. दरम्यान समाज संघटन व भावी क्रिकेट प्लेयर आपल्या मिळेल, अशा भावना व्यक्त करत उत्कृष्ट नियोजनासाठी युवक मंडळाचे कौतुक आ. भोळे यांनी कार्यक्रमा प्रसंगी केले.
दिनांक ७ ते १० मार्च रोजी मानराज पार्क, जळगाव येथे शिंपी प्रीमियर लीग सीजन ३ चे आयोजक करण्यात आलेले होते. सीजन ३चा शिंपी डायनामाईट हा संघ विजेता ठरला. याचे संघमालक संदीप सोनवणे व कर्णधार विकी जगताप व प्रतिनिधित्व सुमित अहिरराव यांनी केले. या स्पर्धेत एकूण पुरूषांच्या १४ पुरुष व महिलांचे ३ संघांनी सहभाग घेतला होता. त्यात जळगाव जिल्ह्यातील व जिल्ह्या बाहेरील मालेगाव, धुळे, चोपडा, मुंबई, पुणे, दोंडाईचा येथील संघांचा समावेश होता. क्रिकेटच्या माध्यमातून समाजाला स्त्री-पुरुष समानतेचा संदेश देण्यात आला.
यावेळी कार्यक्रमाचे अध्यक्ष राजेंद्रकुमार सोनवणे, उपाध्यक्ष विवेक जगताप, शिंपी समाज जिल्हाध्यक्ष बंडूनाना शिंपी, विश्वस्त पी. टी. शिंपी, रूपेश बागुल, तुषार शिंपी, प्रमोद शिंपी, मनीलाल शिंपी, संजय कापुरे, रविकिरणज कोंबडे, माजी नगरसेवक आबा कापसे, अनिल खैरनार, प्रदीप शिंपी, मनोज भंडारकर, सुरेश सोनवणे, उमेश शिंपी, गणेश सोनवणे हे होते.
कार्यक्रमाच्या यशस्वीते साठी जितेंद्र शिंपी, सुमित अहिरराव, हेमंत शिंपी, योगेश दगडू शिंपी, गणेश सोनवणे, अमित मुळतकर, निलेश शिंदे, यशवंत शिंपी, महेश शिंपी, विशाल देवरे, निलेश चव्हाण, सागर शिंपी, धर्मेंद्र जगताप, हर्षल बोरसे, हर्षल शिंपी, उल्हास देवरे, सागर देवरे, ऋषिकेश शिंपी, अशोक सोनवणे, दर्शन देवरे आदींनी परिश्रम घेतले व सूत्रसंचालन सचिन जाधव व आभार प्रदर्शन योगेश शिंपी यांनी केले.
