जळगाव, दि.११ – भारतीय जनता पार्टीच्या जळगाव जिल्हा महानगर मंडल क्र. ९ येथील सामाजिक प्रभावशाली लाभार्थी, उद्योजक, शैक्षणिक, खेळाडू, उद्यान, स्पोर्ट्स क्लब व जिम या बूथ परिसर मधील नागरिकांच्या आमदार सुरेश भोळे (राजुमामा) यांनी भेटी घेतल्या.
देशाचे पंतप्रधान नरेंद्र मोदी यांच्या संकल्पनेतून राबविण्यात येत असलेल्या भारतीय जनता पार्टीच्या ‘गांव चलो अभियानास’ देशभरात सुरूवात झाली असून जळगाव जिल्हयात देखील हे अभियान राबविण्यात येत आहे.
दरम्यान शनिवारी जळगाव जिल्हा महानगरातील बूथ क्रमांक ३१९ येथे प्रवासी कार्यकर्ता म्हणून जबाबदारी घेत शहराचे आमदार सुरेश भोळे (राजुमामा) यांनी घरोघरी जाऊन योजनांची पत्रके वाटली. नागरिकांशी संवाद साधून त्यांना मोदी सरकारच्या गरीब कल्याणकारी कामे, केंद्र व राज्य सरकारी योजनांचा लाभ, विविध विकासकामे आदींची माहिती देण्यात आली.
या प्रसंगी जिल्हा सरचिणीस महेश जोशी, जिल्हा उपाध्यक्ष राहुल वाघ, मंडल अध्यक्ष महेश कापुरे, सुपर वरियर्स मिलिंद वाढे, बूथ प्रमुख पंकज सोनार, ललित बडगुजर, शाम पाटील आदींसह मान्यवर व सदस्य उपस्थित होते.
