जळगाव, दि.१९ – अयोध्येत होणाऱ्या श्रीराम मंदिर प्राण प्रतिष्ठा सोहळ्यानिमीत्त २० ते २४ जानेवारी दरम्यान शहरातील जी.एस. ग्राऊंड (शिवतिर्थ मैदान) येथे चिमुकले राम मंदिराचे पुजारी ह.भ.प. दादा महाराज जोशी यांच्या वाणीतून श्रीराम कथेचे वाचन करण्यात येणार आहे. कथा दुपारी ०१ ते सायंकाळी ०५ या वेळेत राहणार आहे.
राम मंदिर ते राष्ट्र मंदिर या प्रेरणेतून जळगाव शहरात सर्व श्रीराम भक्त, शिवमहापुराण समिती व आमदार राजूमामा भोळे मित्र परिवार यांच्या वतीने या श्रीराम रामकथेचे आयोजन करण्यात असून कार्यक्रमाची सुरवात २० जानेवारी शनिवार रोजी सकाळी ११.०० वाजता नवीन बस स्टँड समोरील चिमुकले राम मंदिर येथून शोभा यात्रेला सुरवात होऊन, शोभा यात्रेचा समारोप दु. १२:०० जी.एस. ग्राऊंड (शिवतिर्थ) येथे होईल. याच ठिकाणी दुपारी. ०१ ते सायंकाळी ०५ वाजेपर्यंत ह.भ.प. दादा महाराज जोशी यांच्या श्रीराम कथेला सुरवात होईल.
शहरातील सर्व राम भक्त बंधू, भगिनी, महिला भजनी मंडळ, जेष्ठ नागरिक मोठ्या संख्यने शोभा यात्रेत व कथेत सहभाग घेऊन व उपस्थित राहण्याचे आवाहन आयोजन समिती, श्रीराम भक्त, शिवमहापुराण समितीच्या वतीने आ. सुरेश भोळे (राजूमामा), नितीन लढ्ढा, राजू बांगर, देवेंद्र अग्रवाल, सुरेंद्र अग्रवाल, अशोक जाजू, यशवंत बारी, नितीन पाटील, अशोक राठी, श्याम जोशी, श्रीनिवास व्यास, संजय व्यास, मनीष बाहेती, मनीष झंवर, रामदयाल सोनी, कांजी सोनी, रामलालजी, मनोज भांडारकर यांनी केले आहे.
