अमळनेर, दि.०७ – तालुक्यातील दहिवद येथील पंकज उर्फ श्यामकांत जयंतराव पाटील यांची प्रहार जनशक्ती पक्षाच्या जळगाव जिल्हा सरचिटणीस पदी नुकतीच नियुक्ती करण्यात आली. दरम्यान उत्तर महाराष्ट्र प्रमुख अनिल चौधरी यांच्याहस्ते पाटील यांना नियुक्तीचे पत्र देण्यात आले.
यावेळी युवक जिल्हा अध्यक्ष अविनाश पाटील, सजंय आवटे (रावेर लोकसभा क्षेत्र जिल्हा उपाध्यक्ष) अमळनेर तालुका अध्यक्ष गुलाब पाटील, दिनेश पाटील यांच्यासह प्रहार जनशक्ती पक्षाचे पदाधिकारी उपस्थित होते.
पंकज पाटील यांनी प्रहारच्या माध्यमातून अपंग बांधवांचे अनेक प्रश्न मार्गी लावण्यासाठी लढा दिला आहे. तसेच सामाजिक कार्यात त्यांचा नेहमी पुढाकार असतो. दरम्यान निवडीबद्दल त्यांचे अभिनंदन होत आहे.
