जळगाव, दि.१७ – अधिक महिन्यानिमित्त चिवास महिला मंडळ आणि स्वरदा गृप नेवे समाज यांच्या संयुक्त विद्यमाने जिल्हास्तरीय भजन गायन स्पर्धा ६ ऑगस्ट २०२३ रोजी जळगावात आयोजित करण्यात आली आहे.
भजन स्पर्धा जिल्हा स्तरावर घेण्यात येणार असून सर्वांसाठी साठी खुली आहे. भजन स्पर्धेत सहभागी होण्यासाठी एका समुहात ५ ते ७ स्पर्धकांचा समावेश असावा. प्रत्येक समुहास ५ ते ७ मिनीटाची वेळ भजन आणि गवळण सादर करायाला मिळणार आहे.
स्पर्धेत सहभाग घेण्यासाठी नाममात्र शुल्क आकारण्यात येणार असून विजयी स्पर्धकांना प्रथम, द्वितीय व उत्तेजनार्थ दोन बक्षिसे दिले जातील. तसेच भाग घेणाऱ्या प्रत्येक संघाला प्रोत्साहनपर बक्षिस दिले जाईल. त्याचबरोबर परिक्षकांचा निर्णय अंतिम राहील.
भाग घेवू ईच्छिणा-या भजन प्रेमींनी आपली नावे वंदना गडे मो. ७५८८ ३५०२०५ लोकशाही कार्यालय बळीराम पेठ मो. ९४२१५ २१४९१ या ठिकाणी दि.१ ऑगष्ट २०२३ पर्यंत नोंदवायची आहेत. असे आवाहन अनघा खारुळ व सुचेता नेवे यांनी केले आहे.
