जळगाव, दि.१२ – भारत संचार निगम लिमिटेड जळगाव येथील महाप्रबंधक कार्यालयातील ‘वरिष्ठ हिंदी अनुवादक’ या पदावर कार्यरत असलेले परेश रामकृष्ण सननसे यांनी मानविकी विद्याशाखेअंतर्गत हिंदी मध्ये “भगवानदास मोरवाल के उपन्यासों में व्यक्त विचारों के विविध आयाम” या विषयावर क.ब.चौ.उ.म. विद्यापीठातुन त्यांना पीएचडी मिळाली.
सननसे यांनी आपले शोधकार्य तळोदा कला, वाणिज्य व विज्ञान महाविद्यालयाचे प्राचार्य प्रो. डॉ. संजयकुमार शर्मा यांच्या मार्गदर्शनाखाली पूर्ण केले. सननसे हे गृह मंत्रालायाच्या अधीनस्थ, केंद्र सरकारच्या विभागांमध्ये राजभाषा हिंदी चे कार्यान्वयन वर नियंत्रण ठेवणाऱ्या, नगर राजभाषा कार्यान्वयन समिती चे सक्रीय सदस्य आहेत.
त्यांचे अनेक शोध निबंध राष्ट्रीय व आंतरराष्ट्रीय स्तरावरील पत्रिकांमध्ये प्रकाशित झाले आहेत व त्यांनी अनेक राष्ट्रीय व आंतरराष्ट्रीय परीसंवादात आपले शोधनिबंध प्रस्तुत केलेले आहेत. त्यांना हिंदी साहित्यातील कार्याबद्दल लघुकथा समाज काठमांडू, नेपाल रूसी भारतीय मैत्री संघ, दिशा मास्को, रूस द्वारा अंतरराष्ट्रीय हिंदी गौरव सम्मान- २०२२ देऊन गौरविण्यात आले आहे.
त्यांच्या या यशाबद्दल राजभाषा विभाग, गृह मंत्रालयाच्या उपनिदेशिका डॉ सुस्मिता भट्टाचार्य, राजभाषा कार्यान्वयन समितिचे सदस्य सचिव अनिल वाघ, बीएसएनएलचे महाव्यवस्थापक महेश कुमार, बीएसएनएल नवी दिल्लीचे राजभाषा अधिकारी पवन सिंह, उत्तर महाराष्ट्र विद्यापीठाचे प्राध्यापक, प्राध्यापिका डॉ.उर्मिला पाटील तसेच या एन मुक्टो संघटनेचे प्रा.भालचंद्र सावखेडकर, डॉ.नरसिंह परदेशी, उच्च शिक्षणाधिकारी कार्यालयाचे अजय शिवरामे, डॉ.किशोर आमोदकर, डॉ दिनानाथ पाटील, डिगंबर सिरामे यांनी शुभेच्छा दिल्या.
