जळगाव, दि.१५ – सार्वजनिक श्रीराम उत्सव समिती तर्फे श्रीराम नवमी निमित्त शहरात मिरवणुकीचे आयोजन करण्यात आले आहे. दरम्यान मिरवणुकीच्या नियोजनासाठी बुधवारी सार्वजनिक श्रीराम उत्सव समितीच्या पदाधिकाऱ्यांची बैठक संपन्न झाली.
बैठकीत मिरवणुकीच्या नियोजनासंदर्भात मंडळाच्या पदाधिकाऱ्यांची चर्चा झाली. मिरवणुकीमध्ये विविध मंडळे, संघटना, सामाजिक सस्था सहभागी होऊन यंदाची रामनवमी जल्लोसात साजरी करण्याचा निर्णय घेण्यात आला. दि.३० रोजी दुपारी ठीक ४ वाजता गोलाणी मार्केट परिसरातील हनुमान मंदिर येथून मिरवणूक निघेल. तसेच शहरातील मुख्य चौकातून जात जुने जळगावातील रथ चौकात महारतीने मिरवणुकीचा समारोप होणार आहे. या मध्ये विविध आखाडे, लेझिम, झांज पथक आकर्षण ठरणार आहेत.
मिरवणुकीच्या नियोजनासाठी झालेल्या बैठकीत अमित भाटिया , दीपक जोशी, बंटी नेरपगारे, अजय गांधी, राकेश लोहार, नीलू तायडे, जगदीश नेवे, दीपक साक्रे, अजिंक्य देसाई, आकाश फळे, प्रवीण कोळी, आकाश पाटील, सूरज दायमा, विजू कासार, धवल चौधरी आदींसह पदाधिकारी, कार्यकर्ते उपस्थित होते.
