जळगांव, दि.26- जळगाव जिल्ह्यातील मोटार ड्रायव्हिंग स्कूलच्या संचालकांचा जिल्हास्तरीय मेळाव्याचे आयोजन श्री क्षेत्र पद्मालय ता.एरंडोल येथे करण्यात आले आहे.
मेळावा शनीवार दि.२८ जून २०२१ रोजी सकाळी ११ वाजता सुरू करण्यात येणार असून यात तालुका निहाय आढावा, तालुका निहाय पद नियुक्ती, ड्रायव्हींग स्कूल संचालकांना येणाऱ्या अडचणी, व्यवसायात होणारे नवीन बदल, नवीन परिवहन नियमावली, व्यवसायात नाविन्यपूर्णता, एक सारखे प्रशिक्षण शुल्क या बाबत मेळाव्यात चर्चा करण्यात येणार आहे.
दरम्यान जळगांव जिल्हा मोटार ड्रायव्हिंग स्कूल ओनर्स असोसिएशनचे अध्यक्ष ऍड जमील देशपांडे आणि धुळे-नंदूरबार जिल्हा मोटर ड्रायव्हिंग स्कूल ओनर्स असोसिएशनचे अध्यक्ष सुनील चौधरी हे मार्गदर्शन करणार आहेत.
जिल्ह्यातील ड्रायव्हिंग स्कूल संचालकांनी या मेळाव्याला मोठया संख्येने उपस्थित राहावे असे आवाहन सचिव किरण अडकमोल यांनी केले आहे. सर्व संचालकांनी सोबत आधार कार्ड, पॅन कार्ड, ड्रायव्हिंग स्कूल नमुना ८ या कागदपत्रांची झेरॉक्स, दोन पासपोर्ट साईझ फोटो सोबत आणावे. असे आवाहन आयोजकांतर्फे करण्यात आले आहे.
