जळगाव, दि.25- मोटरसायकल चोरी करणारा अट्टल आरोपीला स्थानिक गुन्हे शाखेच्या पथकाने अटक केलीये. दरम्यान मोटर सायकल चोरीच्या गुन्ह्यातील भुसावळ येथील निष्पन्न आरोपी मुकुंदा दिगंबर सुरवाडे वय वर्ष ३६, हा असल्याची गुप्त माहिती पोलीस विभागाला प्राप्त झाली होती.
त्या अनुषंगाने स्थानिक गुन्हे शाखेचे पोलिस निरीक्षक किरणकुमार बकाले यांनी सहाय्यक फौजदार अशोक महाजन, पोलीस हवालदार महेश महाजन, पोलीस नाईक किशोर राठोड, श्रीकृष्ण देशमुख, अविनाश देवरे, रणजीत जाधव, विनोद पाटील, उमेशगिरी गोसावी, हरीश परदेशी, विजय चौधरी, अशोक पाटील आधी पोलीस कर्मचाऱ्यांच्या पथकाने आरोपी मुकुंदा सुरवाडे यास भुसावळ येथील विवेकानंद नगरातून ताब्यात घेतले.
त्याच्याकडून जळगाव शहर पोलीस स्टेशन, कासोदा पोलीस स्टेशन, एमआयडीसी पोलीस स्टेशन, भुसावळ बाजारपेठ पोलीस स्टेशनच्या वेगवेगळ्या गुन्ह्यातील १,९३०००/- किमतीच्या सात मोटरसायकल जप्त करण्यात आल्या असून सदर आरोपी हा 4 मोटर सायकल चोरीच्या गुन्ह्यात फरार होता. त्यास पुढील कारवाईसाठी जळगाव शहर पोलीस स्टेशनच्या ताब्यात देण्यात आले आहे.
