जळगाव, दि.२१ – केंद्र सरकारच्या पेट्रोल, डिझेल आणि गॅस दरवाढ विरोधात आज जळगावात राष्ट्रवादी काँग्रेस तर्फे निषेध आंदोलन करण्यात आलं. राष्ट्रवादी काँग्रेस पार्टीच्या महिला आघाडी व महानगर च्या वतीने शहरातील टाॅवर चौकात हे आंदोलन करण्यात आलं. आंदोलनात केंद्र सरकार विरोधात जोरदार घोषणा देण्यात आल्या. विशेष म्हणजे मोदींच्या भाषणातील क्लिप चा वापर करत प्रश्नांना उत्तरे देण्यात आली.
आंदोलने करत आता आम्हालाच लाज वाटायला लागली, मात्र केंद्र सरकारला कुठलीच लाज राहिलेली नसुन बेरोजगारी, गरीबीचे प्रश्न सामान्यांना भेडसावत असल्याचे सांगत महिला महानगराध्यक्षा मंगला पाटील यांनी केंद्र सरकारचा निषेध केला. यावेळी महिला पदाधिकारी, कार्यकर्त्या मोठ्या संख्येत उपस्थित होत्या.
