सुनिल अराक | यावल – शहरात एका भामट्याने किराणा दुकानदाराची लुबाडणूक केल्याचा प्रकार समोर आलायं. दरम्यान शहरातील नाझीम खान या किराणा दुकानदाराकडून अज्ञात व्यक्तीने आईचे उत्तर कार्य असल्याचे कारण सांगत तीस हजार रुपयांचा किराणा सामान खरेदी केला.
मात्र माझ्याजवळ आता पैसे नसून सोबत माणूस पाठवा, त्याला घरी पैसे देतो असे सांगतले. सोबत आलेल्या माणसाचा मोबाईल हिसकावून घेत चारचाकी वाहनातुन पळ काढला. दरम्यान एका मोटरसायकल चालकाने पाठलाग करून वाहन अडवले. त्यावेळी चारचाकी वाहन जागेवरच सोडून भामटा पसार झाला. यासंदर्भात शेवटचे वृत्त हाती आले तेव्हा यावल पोलीस ठाण्यात गुन्हा दाखल करण्याचे काम सुरू होते.
