जळगाव, दि.०२ – तालुक्यातील तसेच शहरातील तरुणांनी काँग्रेसला पसंती देत बुधवारी जिल्हाध्यक्ष प्रदीप पवार यांच्या उपस्थितीत काँग्रेस पक्षात प्रवेश केला. यावेळी जळगाव तालुक्यासह शहरातील सुमारे २५ तरुणांनी बेरोजगारी व महागाई डोळ्यासमोर ठेवून काँग्रेस पक्षात प्रवेश केला.
यानिमित्ताने जळगाव जिल्हा काँग्रेस मध्ये युवकांची एक कार्यशील फळी तयार होईल व पक्ष संघटन मजबूत करण्यासाठी याचा नक्कीच फायदा होणार असल्याचे मत जिल्हाध्यक्ष प्रदीप पवार यांनी व्यक्त केले. कुंसुंबा ग्रामपंचायत सदस्य व काँग्रेसचे पदाधिकारी प्रमोद गंगाधर घुगे यांच्यावर विश्वास ठेवून या तरुणांनी काँग्रेस पक्षात प्रवेश केल्याने जिल्हाध्यक्ष पवार यांनी प्रमोद घुगे यांचे कौतुक केले.
यावेळी ग्रामीण तालुकाध्यक्ष मनोज चौधरी, सरचिटणीस मनोजकुमार सोनवणे, ज्ञानेश्वर कोळी, प्रमोद घुगे, राजेंद्र पाटील, आशुतोष पवार, रविंद्र भंगाळे आदींसह पदाधिकारी उपस्थित होते.
