जळगाव, (प्रतिनिधी) : सावित्रीबाई फुले पुणे विद्यापीठाने (SPPU) नुकताच डॉक्टर ऑफ फिलॉसॉफी (पीएच.डी.) परीक्षेचा निकाल जाहीर केला असून, यामध्ये नितीन मिठाराम पाटील यांना वाणिज्य आणि व्यवस्थापन विद्याशाखेअंतर्गत ‘उत्पादन व्यवस्थापन’ विषयात पीएच.डी. पदवी प्रदान करण्यात आली आहे.
नितीन पाटील यांनी आपले संशोधन “एमएसएमईच्या ऑपरेशनल कामगिरीमध्ये वाढ करण्यासाठी लीन पद्धतीची प्रभावीता” (Effectiveness of Lean Tools for Enhancing Operational Performance of MSMEs) या विषयावर पूर्ण केले. त्यांनी आपले हे संशोधन सिंहगड इन्स्टिट्यूट ऑफ मॅनेजमेंट अँड कॉम्प्युटर ॲप्लिकेशन (पुणे) येथील संशोधन केंद्रात, डॉ. योगेश वासुदेव भोवते यांच्या मार्गदर्शनाखाली पूर्ण केले.
विद्यापीठाच्या नियमावलीनुसार अत्यंत यशस्वीरीत्या आपला प्रबंध सादर केल्याबद्दल त्यांना ही पदवी जाहीर करण्यात आली आहे. त्यांच्या या यशामुळे सर्व स्तरांतून त्यांचे कौतुक होत असून, आगामी दीक्षांत समारंभात त्यांना अधिकृतपणे पदवी प्रमाणपत्र प्रदान केले जाईल.
