अमळनेर, दि. 29 – तालुक्यातील कळमसरे येथील शारदा माध्यमिक विद्यालयाचे माजी विद्यार्थ्यांचा स्नेह मेळावा नुकताच उत्साहात संपन्न झाला. यात 1997-98 एस.एस.सी वर्ग या बॅचचे माजी विद्यार्थ्यी मेळाव्यात सहभागी झाले होते. मेळाव्याचे आयोजन गावातील तसेच बाहेर गावी असलेले,आजी माजी विद्यार्थ्यांनी केले.
तब्बल 20 ते 22 वर्षांनंतर विद्यार्थी मेळाव्यात एकत्र आल्याने जुन्या आठवणींना उजाळा मिळाला. या कार्यक्रमात खास करून गुरूजन वृंद उपस्थित असल्याने सर्व विद्यार्थ्यांनी गुरुप्रति कृतज्ञाता व्यक्त केली.
कार्यक्रमाच्या अध्यक्ष स्थानी माजी प्राचार्य जी.आर. चौधरी होते. तर प्रमुख पाहुणे म्हणून जेष्ठ पत्रकार जी.टी. टाक तसेच सेवानिवृत्त शिक्षक तसेच गुरुजन वर्ग उपस्थित होते. दरम्यान स्नेहमेळावा निमित्ताने एकत्र आलेल्या मित्र-मैत्रिणींची आठवण म्हणून विद्यालयाच्या प्रांगणात वृक्षारोपण करण्यात आले.
